 |
|
Баш бит
02.05.12 TАТАР ХАЛКЫ, РЕСПУБЛИКА ҖӘМӘГАТЬЧЕЛЕГЕ ЗУР ЮГАЛТУ КИЧЕРӘ
|
|
Хушлашу чарасы иртән 8 сәгать 30 минутта башлана  Татар халкы, республика җәмәгатьчелеге зур югалту кичерә. Бүген 77 нче яшендә күренекле татар драматургы, прозаик, публицист, һәм җәмәгать эшлеклесе Туфан Миңнуллин вафат булды.Туфан Миңнуллин 1935 елның 25 августында Татарстанның Кама Тамагы районы Олы Мәрәтхуҗа авылында туа. 1956-1961 елларда Мәскәүдә Щепкин исемендәге Театр училищесында укый. 1961-1964 елларда Минзәлә драма театрында актер булып эшли, бер үк вакытта драматургия белән шөгыльләнүен дәвам итә. 1962 елда Минзәлә драма театрында аның “Безнең авыл кешеләре” комедиясе куела. Шул ук елда Г.Камал исемендәге Татар дәүләт академия театрында аның “Азат” пьесасы буенча спектакль сәхнәләштерелә. 1964-1967 елларда ул Казан телестудиясендә эшли, бер үк вакытта “Чаян” журналының әдәби хезмәткәре була. 1968 елдан профессиональ нигездә әдәби эшчәнлек белән шөгыльләнә. 1975-1977 елларда Мәскәүдә Югары әдәби курсларда укый. 1984-1989 елларда - ТАССР Язучылар берлеге идарәсе рәисе. Т.Миңнуллин Татарстан Республикасының уникенче чакырылыш Югары Советына (1990-1995), аннары Татарстан Республикасының беренче (1995-1999), икенче (1999-2004), өченче (2004-2009), дүртенче чакырылыш Дәүләт Советына депутат итеп сайланды. Аның театр җәмәгатьчелеге тарафыннан аеруча зур танылу алган пьесалары – “Без бит авыл малае”, “Үзебез сайлаган язмыш”, “ Әниләр һәм бәбиләр”, “Без китәбез, сез каласыз”, “ Хушыгыз”, “Канкай угылы Бәхтияр”, “ Диләфрүзгә дүрт кияү”, “ Әлдермештән Әлмәндәр”, “ Илгизәр +Вера”, “Җанкисәккәем” һ.б. Талантлы язучы һәм тормышын, иҗатын халкына багышлаган кеше арабыздан китте. Туфан Абдулла улы Миңнуллинның якты истәлеге безнең йөрәкләрдә мәңге сакланыр диелгән ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, ТР Премьер-министры Илдар Халиков, ТР Президенты Аппараты җитәкчесе Юрий Камалтынов, ТР мәдәният министры Айрат Сибагатуллин, Казан мэры Илсур Метшин, ТР Язучылар берлеге рәисе Илфак Ибраһимов, Г.Камал исемендәге Татар дәүләт академия театры баш режиссеры Ф.Бикчәнтәев һ.б. имзалаган некрологта. Татарның мәшһүр улы Туфан Миңнуллин белән хушлашу иртәгә - 3 май көнне иртәнге сәгать 8.30 да башлана, дип хәбәр итә ТР Президенты матбугат хезмәте. Чыганак: "Татар-информ"
|
|
|
|
|
|
АКТАНЫШ
ЕЛ ВАКЫЙГАСЫ
.
.
.
.
.
.
.
.
.
.
.
.
.
.
.
.
.
.
.
.
.
