24 нче гыйнвар көнне танылган шагыйрь, прозаик, тәрҗемәче, Татарстан Республикасының атказанган сәнгать эшлеклесе, җәмәгать эшлеклесе Равил Бохараевның вакытсыз вафат булуы хакында хәбәр килеп иреште.
Равил Рәис улы 1951 елның 18 октябрендә Казанда танылган татар галиме Рәис Бохараев гаиләсендә туа. 1974 елда Казан дәүләт университетының механика-математика факультетын, 1977 елда теоретик кибернетика буенча Мәскәү дәүләт университеты аспирантурасын тәмамлый. 1977 елдан СССР Язучылар берлеге әгъзасы. 1990 елдан Лондонда яши һәм эшли. 1992-2007 елларда - «Би-би-си» хезмәткәре.
Узган елның 18 октябрендә Казанда шагыйрь, прозаик, тәрҗемәче, драматург, Г.Тукай һәм М.Җәлил исемендәге Дәүләт премияләре лауреаты Равил Бохараевка 60 яшь һәм аның иҗат эшчәнлегенә 40 ел тулу уңаеннан шигърият бәйрәме булды. Бу кичәдә аңа кешелекне берләштерү өлкәсендәге хезмәтләре өчен Берләшкән Милләтләр Оешмасының Бердәмлек ордены тапшырылды. Юбилярга бүләкне танылган сәясәтче һәм дипломат Василий Лихачев тапшырды.
2010 елның сентябрь һәм октябрь айларында “Татар-информ” агентлыгы видеостудиясендә Равил Бохараев катнашында “Төньяк ислам турында әңгәмәләр” тематик циклы үткәрелде.
Әле күптән түгел генә, быелның 18 гыйнварында без Равил Бохараевның ТР Дәүләт симфоник оркестрының сәнгать җитәкчесе Александр Сладковский заказы белән “Ак бүре” операсына либретто язуы хакында хәбәр иткән идек. Операның премьерасы “Казан язы” фестивале кысаларында планлаштырылган.
“Татар-информ” агентлыгы шагыйрьнең туганнары һәм якыннарының тирән кайгысын уртаклаша.
АКТАНЫШ
ЕЛ ВАКЫЙГАСЫ
.
.
.
.
.
.
.
.
.
.
.
.
.
.
.
.
.
.
.
.
.
